564 4050

ISR Matrix

NEYÐARVÖRN - ÖRYGGISTÖK - ÞREKÞJÁLFUN


ISR er alhliða sjálfsvörn sem byggir á einföldum grunni sem auðvelt er að ná tökum á en felur í sér áhrifaríkar tæknir sem virka vel gegn erfiðum árásaraðila.

Um er að ræða tæknir sem eiga uppruna sinn í glímu (freestyle, bjj og júdó) en einnig tæknir úr hnefaleikum og muay thai þegar neyðin kallar.

ISR má leggja stund á og æfa eins og íþróttirnar sem ISR byggir á en áherslan er á að verjast ofbeldi eins og það gerist í raunveruleikanum.

Auðvitað er ávallt best að koma sér undan átökum ef hjá þeim er komist. Í ISR er lögð rík áhersla á að verjast og koma sér undan. Oft er hægt að tala fólk til eða sneiða fram hjá eldfimum aðstæðum og okkur ber að gera það af fremsta megni en því miður er það ekki alltaf mögulegt. Stundum er engin undankomuleið; fyrir okkur sjálf eða einhvern kærkominn okkur. Þá verðum við að taka slaginn.
Í þeim tilfellum er gríðarlega mikilvægt að við notumst við vægasta úrræði sem völ er á. Við göngum aldrei lengra en nauðsynlegt er til að vinna bug á óréttlætinu sem við, og/eða þriðji aðili, verðum fyrir. Það skiptir sköpum að sá sem æfir hjá ISR teljist ekki vera í órétti en sé svo, getur það varðað tafarlauan brottrekstur úr félaginu. Hjá ISR kennum við ekki ofbeldi, við kennum vörn gegn því.

Með því að byggja á "high contact" bardagaíþróttum er ekki verið að finna upp hjólið. Notast er við tækni sem þegar er til og vitað er að virkar vel undir mikilli pressu. ISR nálgunin felur í sér að einblína á tæknibrögð sem eru áhirfarík og samtvinnanleg. Þegar eitthvað virkar ekki er auðvelt að skipta í annað sem kannski ber betri árangur í tilteknum aðstæðum. Þetta er mikilvægt því í átökum eru engin töfrabrögð. Það kann að hljóma augljóst en það ber að nefna. Ekkert varnarbragð dugir í öllum aðstæðum frekar en að skot í fótbolta endar alltaf í netinu.

Handalögmál eru óútreiknanleg og flókin. Árásaraðilar geta verið af öllum stærðum og gerðum. Þeir slá á móti, eru hreyfanlegir og sýna ekki alltaf þau viðbrögð sem við búumst við. Þess vegna er æft "lifandi" í ISR líkt og gert er í þeim íþróttum sem ISR byggir á. Glímt er frjálst og tekist er á með boxhönskum.
Með því gerir hver og einn sér grein fyrir hann/hún getur en, það sem enn mikilvægara er, hvað hann/hún getur ekki. Stærð og styrkur skiptir t.d. miklu máli en því færari sem við verðurm því stærri og sterkari aðila getum við ráðið við. Og eina leiðin til að verða færari er að takast á.

Að því sögðu pössum við vel upp á að enginn fari fram úr sér og að enginn meiðist. Það græðir enginn á því að láta lemja sig ítrekað í höfuðið eða láta skella sér harkalega í gólfið.
Allir fara á sínum hraða og sýna æfingarfélögum sínum skilning og virðingu.

Skoðaðu FB síðu ISR MATRIX.


3

Námskeið og framhaldstímar

ISR býður upp á almenn námskeið og framhaldstíma fyrir bæði kyn en einnig námskeið og tíma sem eru eingöngu fyrir konur ISR CAT.
Þar að auki höldum við reglulega sérhæfðari námskeið, svo sem ÖRYGGISTÖK, Flótta & Undankomu og Varnir gegn vopnum, fyrir áhugasama.

Auk ISR 201 (framhaldstímar að loknu grunnnámskeiði) eru þrektímar HERMÓÐUR í boði fyrir alla ákrifendur ISR.

Það eru engar þægilegar, styttri leiðir, til að verða skilvirkur í átökum, eina leiðin til að verða góður er að æfa sig.

Í framhaldstímum fá iðkendur meiri mótspyrnu og æfingar verða meira krefjandi. Grunnurinn er æfður betur og nýju bætt við. Framhaldstímar ISR eru öll virk kvöld samkvæmt stundatöflu.

7


Næstu grunnnámskeið ISR Neyðarvörn má sjá HÉR.

Næstu grunnnámskeið ISR Neyðarvörn fyrir konur má sjá HÉR.

Heimasíðu ISR MATRIX má sjá HÉR.

Vinsælt

Buttlift

GRIT Les Mills

HIIT

Hot Body

Grunnnámskeið í sjálfsvörn - 12. jan

Yogalates

Soft Hot Yoga

Tabata FIT - NÝTT